Lelabodart.com
Lelabodart.com




Textes en Niçois, support de la déambulation:

 

Textes sur l’amour et la guerre. A diffuser  Promenade du Paillon Sur deux espaces aux choix

 

Adiéu

L’amour es liéure, noun es jamais soutames au souòrt

O Lou, lou miéu es mai fouòrt encara que la mouòrt

Un couòr lou miéu ti segue dins lu tiéu viage au Nort.

 

Letra Manda tamben de lettra la miéu cara

N’agrada de n’en reçaupre dins l’artilerìa.

Una cada jou una au mancou. Una au mancou t’en pregui.

 

Plan planin la nuèch negra es calada ahura

Anen rintrà après avé pilhat de zan

Un doui tres, en tu la miéu vida, en tu lou miéu sanc

 

La nuèch lou miéu couòr la nuèch es propi douça e blounda

O Lou, lou ciel es pur ancuèi coum’un’ounda.

Un couòr, lou miéu, ti segue fin ai counfin dòu mounde.

 

L’oura es vengua Adiéu, l’oura de la tiéu partença

Anen rintrà. Soun nòu oura mancou un quart

Un doui très Adiéu de Nime dins lou Gard.

 

Respouòsta de Lou

 

Pensi en tu, O lou miéu Gui, lou miéu couòr es tiéu.

Lu miéu sens n’en soun treboulat, t’en pregui sìgues miéu.

E que lu miéu lonc blount berri resguilhon tra lu tiéu det.

Pi quoura la nuèch mi pilha noun vehi que tu.

 

Pensi en tu lou miéu Gui, lou miéu calignaire tant aimat.

Que la miéu vous sigue un guida per tu sus lou front de l’armada.

Que lou tiéu courage e la tiéu fe renfouòrçon lu ligam

Que n’avesinon e nen ligon per sempre.

Texte sur les Arts à diffuser devant l’Opéra

Vequì li sian ! Lu art. La passioun de la miéu vida. Escriéure, veire, pintà, dessinà. Tout m’agrada. Qu sau cenque devendran lu miéu caligrama e li miéu idea ? Couma lou dihìa lou miéu amic Picasso : « Apoulinari li capissìa un cornou en pintura. Mà pura li plasìa. Lu poueta soun ensinda : endevinon ». Aloura que balon lu art !

 

 

Texte sur l’amour : A diffuser Place Rossetti ou place aux herbes

Embé lu art, la souleta caua que ten plaça en la vida d’un ome es l’amour. Pulèu li amour. Reussida o decepcioun, l’amour ti fa viéure l’intensità de la vida. Pensi encara à la miéu Lou… Regarjas… de flou….Auguessi lou courage…

 

Texte sur la Justice et la prison. A diffuser Place du Palais de Justice

Justìcia ! Aquela de paraula. M’an mandat en gàbia. Ahì en presoun ! Iéu ! Ai ren fach dòu tout mà li siéu… N’en pouòdi plus d’aquéu mounde. N’en pouòdi plus qu’aqueli mentalità… M’en vouòli partì…Noun mi recounouissi en aquéu mounde….

 

Texte sur la guerre à Diffuser à porte fausse

Lou mounde si desepara en doui : l’ourour e la beutà. En la beutà li a l’amour e lu art. Mà en l’ourour li a la malautìa….E la guerra. Aqueli doui caua pouòrton très efet : la tristessa, la paur e la mouòrt. La tristessa de plus jamai ti veire la miéu Lou. La mouòrt qu’es aquì sus lu camp de batalha, qu’arriba coum’una bala de fusiéu. La paur de noun jamai revenì, couma touplen de cambarada. Mi senti soulet. Vouòli pas estre lou pròssimou.

 

Texte à diffuser au départ Fontaine du soleil.

Nissa, la vila vielha. Es aquì que tout coumença. Aquì que naisse la pouesìa. Si pòu estre poueta dapertout. Cau basta anà à l’aventura e à la descuberta. Mi recounouissès ? Siéu Guilhem Apoulinari. Cenque sabès de la miéu vida ? Dòu miéu passage aquì à Nissa ? Venès embé nautre bravi gent, venès ! En Nissart e en dansa, venès ! La miéu vida treboulanta es plena de sourpresa, venès ! Es lou moument d’acendre li estela.

La nuèch lou miéu couòr la nuèch es propi douça e blounda

O Lou, lou ciel es pur ancuèi coum’un’ounda.

Un couòr, lou miéu, ti segue fin ai counfin dòu mounde.

 

L’oura es vengua Adiéu, l’oura de la tiéu partença

Anen rintrà. Soun nòu oura mancou un quart

Un doui très Adiéu de Nime dins lou Gard.

 

 

Version imprimable Version imprimable | Plan du site
lelabodart@gmail.com

Email